शाहरुख खान अभिनित फिल्म 'डन २'ले नेपालमा रिलिजको पहिलो तीन दिनमै १८ लाख भारतीय रुपैयाँ कमाएको छ। फिल्मले शुक्रबार र शनिबार ५/५ लाख र आइबार ८ लाख भारु व्यापार गरेको भारतीय अनलाइन 'बलिउड हंगामा'ले जनाएको छ। भारतका विभिन्न सहरका साथै नेपालको बक्स अफिस बलिउड फिल्म समीक्षक तरण आदर्शले उल्लेख गरेका हुन्।
फिल्मको नेपाल वितरक एप्पल इन्टरटेनमेन्टका म्यानेजर वसन्त मानन्धर भने यो तथ्याङ्कसँग सहमत छैनन्। 'यो डाटा के आधारमा उल्लेख गरिएको हो थाहा छैन,' उनले भने, 'फिल्मले अरूले भन्दा राम्रो व्यापार गरेको त हो। तर, त्यति धेरै होइन।'
'खास व्यापार कति हो त?' उनले सबैतिरको हिसाब नजोडी बताउन नसक्ने बताए। क्रिसमसमा रिलिज भएकोले पनि व्यापार राम्रो भएको हुनसक्ने उनको अनुमान छ। काठमाडौंका सबै मल्टिप्लेक्स र राजधानी बाहिरका प्रमुख सहरमा फिल्म रिलिज भएको उनले जानकारी दिए। राम्रो चलेको भारतीय फिल्मले नेपालमा ५० लाखसम्मको व्यापार गर्ने उनको हिसाब छ।
नेपाली फिल्म वितरक सुनिल मानन्धरलाई 'डन २'को व्यापारले चकित तुल्याएको छ। उनी भने यो फिल्मले तीन दिनमा ३० लाख व्यापार गरेको अनुमान लगाउँछन्। पुस महिनामा फिल्मले राम्रो व्यापार गर्र्दैन भन्दै पछि हट्ने निर्माता देखेका सुनीलले भने, 'फिल्म राम्रो भए पुसले के बिगार्दो रहेछ र? समयलाई दोस दिन छोडी फिल्म राम्रो बनाउन थाल्नु पर्यो।'
No comments:
Post a Comment